المياه والصحه والكهرباء في مدينه النهود ومشكلة المياه والصحه والكهرباء

دفع الله ادم _النهود
النهود ومشكلة المياه والصحه والكهرباء
تعتبر النهود من ضمن اكبر مدن كردفان واكبر مورد للاقتصاد السوداني وتتعدد مواردها الاقتصادية والزراعية وبهذه الاحصائيات من المفترض ان تكون متقدمة في هذه الاشياء الهامشية ومن هنا نتناول هذه الاشياء
مشكة المياه:
فهذه اكبر مشكله في هذه المدينه ولا فائده من المواسير في البيت بدون موية والفاتوره في نهاية الشهر ومن المؤسف ان الذين يعملون علي هذه الاشياء هم اهل البلد ومن المفترض ان لاتكون هنالك اي مشكلة في المياه
مشكة الصحه:
تكاد ان تعدم الصحة في هذه المدينة فالمستشفي هذا لا يصح ان يكون بطري حتي تعالج به الحيوان ولايوجد به اي طبيب كفئ وغير مرتب اذ لايمكنك ان تمضي به نصف ساعة المهم انو شوية ناس حسوا بالعملو دا وقالوا نعمل مشفي اخر وفعلا يتم الانشاء المشفي حتي العام الماضي وفجأه سمعنا بإنوا الخرطه قلط واحتمال هدم المشفي الذي تهامس علية اهالي البلد (قالو تاني ولا ابيض ولا خرطوم ) وسريعا ما تلاشت احلامهم
الكهرباء:
مشكة تستاهل اكثر من موضوع اصبحنا كالقريه بل اضل الكهرباء بتجي من 11م وتقطع6صباحا والله ما عارف الكلام دا معناو شنو وقاصدين بي شنو
سؤلنا ناس الكهرباء الحاصل شنو قالوا البوابير مدتهم انتهت وعطلو وانحنا سامعين من فتره انو نائب رئيس الجمهورية جايب ليهم 3 بوابير وسامع تحت تحت الناس بقولوا باعوهم وانا مامستقرب اذا باعوهم فهذا الحالة كثيرا ما تتكر في بلدنا فسرقت بابورين او ثلاث اخف من سرقة المال العام
كيف تتعطل البوابير اوتنتهي وهناك مشرفين ومهندسين في محطة الكهرباء والناس مابقولوا ليهم شمال ولايمين يقطعوها يجيبوها مافي زول شغال بيهم
ربنا مع المظلوم _
_دفع الله ادم_